مشكلة المكيف ي السيارات الكوريه

السلام عليكم عندي النترا  2016  طفت  فجاءة بالطريق   بسبب الزيت  وبعدها المكيف  مايبود الي يعرف 

حبيت أشارك تجربتي مع مكيف إلنترا 2013 أخذتها مستعملة قبل سنتين و نصف و من يومها المكيف معقدني
تبريد سيء, أحيانا يبرد و أحيانا يفصل مع الحر و مع الدعسة

رحت شيكت على السيارة عند كهربائي و قال عندك السير تعبان و ركب لي سير
و قال بعد الفحص أنصحك تعبي فريون لأنه ناقص و شوف يمشي معك و الا يهرب
و فعلا كان يبرد أحسن و كملت كم يوم و هرب الفريون .. و هذا يعني وجود تسريب في قطعة من قطع دائرة المكيف

بعدين رحت لكهربائي آخر بعد أسبوع كذا و شيك عالكمبريسر و قال إنه خربان و يهرب زيت و وراني الزيت (ليش خرب
الكمبريسر فجأة مع إنه كان شغال قبل كم يوم؟ ما أدري! يمكن الفريون اللي عباه الكهربائي الأول هو السبب؟ أو لمن فضى
النظام من الفريون بسبب التهريب خرب الكمبريسر من الحرارة؟!)

و شيك على ثلاجة المكيف و قال لي إن تهريب الفريون (المبرد) منها

و أضاف بأن رادييتر المكيف لابد يتغير .. قلت له معقول ما يتغسل, قال لا ما يتغسل .. و أشك إنه ممكن يتنطف

فاشتريت قطع كورية درجة بعد الأصلي:
رادييتر مكيف نوع دايوو ب 240 ريال
و ثلاجة مكيف نوع هانون ب 210 ريال
كمبريسر مكيف نوع HCC ب 750 ريال

و التركيب كلف ب 700 ريال

كان يتطلب فك الطبلون كامل مع عصا القير و حاملة الأكواب و المركى و قطع جانبية عند الباب + تنظيف دائرة المكيف
باستخدام فريون رمزه على ما أذكر (11) + تفريغ موية الرادييتر لتركيب رادييتر المكيف و تعبئة ماء مقطر و أخضر
و بالأخير تعبئة فريون التبريد اللي رمزه (134a) أمريكي حسب زعمهم

المجموع 2000 ريال

الآن المكيف يعمل تمام, بس فيه ريحة زيت من الهوا اللي طالع و أخشى إن الكهربائي ما نظف الدائرة كويس

أنصح اللي معهم كوري لا يشغل المكيف على البرودة القصوى و قدر المستطاع لا يشغله إلا عند الحاجة
إلى أن ربك يرزقك و تطش السيارة هذي في أقرب مكب نفايات و تاخذ سيارة من شركة محترمة